АНУ-ын "Хубилай хаан" шууд нислэгийн Боинг-787-9 ирлээ

МИАТ ТӨХК, AerCap компани 2023 оны тавдугаар сард 787-9 /Dreamliner/ загварын хоёр агаарын хөлгийг урт хугацаанд ашиглах гэрээг үзэглэсэн. Гэрээний дагуу өнөөдөр анхны 787-9 онгоц Чингис хаан олон улсын нисэх буудалд газардлаа.  

Хоёр дахь 787-9 онгоцыг 2024 оны эхний улиралд хүлээн авна. 787-9 нь зорчигчдод бүрэн тав тухтай, түлшний хэмнэлттэй, хамгийн сүүлийн үеийн технологийн шийдэл бүхий хол зайн тусгалтай, өргөн биетэй онгоц юм. МИАТ 292 зорчигчийн суудал захиалсан (30 бизнес, 36 дээд зэрэглэлийн, 226 эдийн засгийн). 

МИАТ компани тус онгоцоор Франкфурт, Истанбул, Сөүл, дараа нь АНУ руу нисэхээр төлөвлөж байна.